kasmadi74

Seorang guru yang mengajar di sebuah sekolah yang terletak dipinggiran jakarta. Mencoba belajar menuls. ...

Selengkapnya
Navigasi Web
Miscom
Sumber gambar : merahputih.com

Miscom

Pentigraf gaya betawi #125

"Coba itu lu liat dah, si Pur" Rajin banget ke mesjid tiap megerib sama isya" Mpok Rodiya mulain dah mancing-mancing obrolan. Laila diem bae. Kagak dengerin apelagi nyautin. Die nerusin nyapu pekarangan depan. Tanggung juge udah dikit lagi rapi. Untungnye kagak lebar, cuma seuplikan. Jadi bise cepet selesai. Kabur dari mpok Rodiya.

"Laila, lu ngapa diem bae. Ngomong ke biar dikitan. Cemburu lu ya? Jadi orang mah jangan gampang cemburuan. Laki pada kabur ...." Die mancing lagi. Laila mlengos bentaran ngelempar senyum. "Lagian juga masih banyak laki yang lebih bae, si Rahmat mah menang ibadah doang. Noh, si Gufron anak cang Muin hebat banget die. Usahe kontrakannye puluhan pintu, belon lagi bengkel mobilnye" Laila nyaut dalem hati, ini sih pesan sponsor. Ogah amat, mau dijadiin bininye. Laila ngeloyor masup rumah tanpa sepengetahuan mpok Rodiya.

"Lu pikir lagi dah, La. Gufron cinta benget pan sama e....lu" Mpok Rodiya kaget. Mukenye merah, malu. Telunjuknye terlanjur nyogrok. Cang Kodir pasang muke serem. Kumisnye yang baplang begerak-gerak. Jadi inget, bang Jampang jagoan betawi tempo dulu. "Eh, cang Kodir. Maap .... " cang Kodir melotot. "Minggir lu, dasar miss comel. Pagi-pagi udah nyari dose" Mpok Rodiya mengkeret. Pelan-pelan mingser. Die ngeloyor ke tukang sayur. Ibu-ibu lagi rame ngeroyok mas Parto. Bise ditebak dah, ngapain mpok Rodiya ke sono.

DISCLAIMER
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.

Laporkan Penyalahgunaan

Komentar

Pasti belanja sayuran kalau gak tukang kridit ya abang ha ha ha, salam literasi

07 Jun
Balas

Hehehe ade ye temrnnye yg kyk begono

07 Jun

Nyari bang Kasmadi nyang jago ngaji ame pantun

07 Jun
Balas

Hah

07 Jun

pengalaman ngumpul ma emak2 ya pa

07 Jun
Balas

Iye mpok risa

07 Jun

Salam.literasi Pak...

07 Jun
Balas

Terima kasih bu, salam

07 Jun

MANTAP PA

07 Jun
Balas

Terima kasih bu

08 Jun

Si Mpok pastinye ngecoblak juge ntuu mulutnyee, blanja sayur kagak...

07 Jun
Balas

Hahaha

07 Jun

Mpok rodiya ngomelin mas Parto , lantaran mas Parto kelupaan kgk bawa jengkol muda pesenanye ...

07 Jun
Balas

Tau aje

07 Jun



search

New Post